Fota: Jonathan Knowles / Getty Images
Francuzskaja mova pazbaviłasia zvańnia samaha seksualnaha akcentu ŭ śviecie, sastupiŭšy tron inšaj jeŭrapiejskaj movie, paviedamlaje Euronews.com.
6 000 čałaviek ź Vialikabrytanii, Francyi, Ispanii, Italii i Hiermanii, a taksama ZŠA paprasili acanić, jakija movy ŭsprymajucca jak «samyja seksualnyja», «samyja ramantyčnyja» i «samyja haračyja».
Vyniki daśledavańnia pakazali, što jak «samaja seksualnaja» i «samaja ramantyčnaja» najbolšaj kolkaściu ludziej, jakija ŭziali ŭdzieł u daśledavańni, usprymajecca italjanskaja mova.
«Jość peŭnyja asablivaści italjanskaj movy, jakija mohuć spryjać jaje pryvabnaści, — patłumačyŭ vykładčyk movy kampanii Babbel Noel Volf. — Pavyšeńnie i panižeńnie vyšyni tonu ŭ hutarkovaj italjanskaj moža stvarać muzyčnuju jakaść, jakuju niekatoryja ludzi znachodziać pryvabnaj. Peŭnyja fanietyčnyja asablivaści, takija jak pierakačvańni huku «r», mohuć być admietnymi ŭ italjanskaj, što mnohija ličać čaroŭnym abo pryvabnym».
Brytanskaja anhlijskaja była pryznana «samaj vietlivaj», a niamieckaja zaniała pieršaje miesca ŭ naminacyi «samaja pramaja» mova.
Vidavočna, što ŭ cełym čakańni apraŭdalisia.
U chodzie daśledavańnia taksama vyvučałasia staŭleńnie da partnioraŭ, što razmaŭlajuć na roznych movach.
Pavodle vynikaŭ, bolš za 70% apytanych brytancaŭ zajavili, što kali b ich ramantyčny partnior razmaŭlaŭ na inšaj movie, čym jany sami, to vyvučeńnie hetaj movy spryjała b umacavańniu emacyjnaj suviazi pamiž imi.
U 2017 hodzie linhvist Paci Adank, prafiesar usprymańnia maŭleńnia va ŭniviersiteckim kaledžy Łondana, adznačyła, što «nośbitaŭ anhlijskaj movy pryciahvaje mieładyčnaść takich moŭ, jak francuzskaja abo italjanskaja».
Inšyja linhvisty i psichołahi časta pakazvajuć na sacyjalnyja i kulturnyja asacyjacyi z akcentam jak na faktar pryciahnieńnia ŭ padobnych apytańniach.
Ale jak by vy da hetaha ni stavilisia, vyniki atrymanyja, i Francyi pryjdziecca z hetym źmirycca.
Čytajcie taksama:
Ci sapraŭdy subcitry dapamahajuć vyvučyć zamiežnuju movu?
