Contributor / Getty Images
Padrabiaznaściami padzialiŭsia karespandent «Kommiersanta» Andrej Kaleśnikaŭ.
«Kiraŭniki dziaržaŭ padymalisia pa toj ža paradnaj leśvicy Vialikaha Kramloŭskaha pałaca, što i napiaredadni — asabista Uładzimir Pucin. Pieršym, na chadu skidajučy palito, na leśvicu ŭzyšoŭ Nikoł Pašynian. Praŭda, padobna, što fizkulturaj jon u mirnym žyćci hrebuje: bližej da viaršyni doŭhaj leśvicy Nikoł Pašynian užo nikudy śpiašacca nie chacieŭ.
A Alaksandr Łukašenka i zusim skarystaŭsia liftam, što pa-čałaviečy zrazumieła. Dy i prezident Kazachstana Kasym-Žamart Takajeŭ nie pahrebavaŭ. Dy i niekatoryja inšyja», — napisaŭ Kaleśnikaŭ.
Pa jaho słovach, Alaksandr Łukašenka pryśviaciŭ značnuju častku svajoj pramovy apoviedu pra toje, što viadučyja zachodnija krainy sprabujuć «strymać raźvićcio našych krain», ale što «hetyja sproby asudžanyja».
«Jon niby zabyŭsia, što ŭdzielničaje ciapier nie ŭ dvuchbakovaj sustrečy z Uładzimiram Pucinym, a ŭ pasiadžeńni, dzie za adnym stałom ź im siadziać kiraŭniki Kazachstana, Uźbiekistana, Kyrhyzstana, jakich naohuł nichto nie strymlivaje, kali nie ličyć vydatki i abciažarańnia, źviazanyja z handlovym supracoŭnictvam jakraz z Rasijaj i Biełaruśsiu.
Ale Alaksandr Łukašenka abnadzieiŭ kaleh. Jon raskazaŭ, što zatoje niaŭchilna raźvivajecca supracoŭnictva ź Iranam, a taksama z Manholijaj, ź jakoj voś-voś budzie padpisana časovaje handlovaje pahadnieńnie», — dadaŭ Kaleśnikaŭ.
Čytajcie taksama:
Łukašenka i Pucin parazmaŭlali ŭ kalidory pierad pačatkam samitu JEAES
