Paviedamlajecca, što ŭ 2020-m Dźmitryj źbiraŭ podpisy za Viktara Babaryku, za što byŭ pakarany aryštam.
Druhi raz jaho aryštavali ŭ 2022 hodzie, Barajčuk prajšoŭ praz Akreścina, dzie padviarhaŭsia ździekam, źbićciu i pahrozam. A paśla jaho zrabili padazravanym pa dźviuch kryminalnych spravach.
U 2023 hodzie Dźmitryj ź siamjoj ekstranna vyjechaŭ ź Biełarusi, užo vielmi kiepska siabie adčuvajučy. Jamu byŭ pastaŭleny dyjahnaz — salidna-kistoznaja puchlina. Apieracyju pa vydaleńni puchliny razam z častkaj straŭnika jamu praviali ŭ Biełastoku, adnak chvaroba nie adstupiła.
8 traŭnia Dźmitryj Barajčuk pamior. U čužoj krainie biez muža i baćki zastałasia jahonaja siamja — žonka i čaćviora dziaciej, troje ź jakich niepaŭnaletnija.
15 lipienia 2020 hoda Dźmitryj ź siamjoj stajaŭ u vializnaj čarzie ŭ Minsku, kab padać skarhu ŭ CVK na nierehistracyju Viktara Babaryki, jaki byŭ jahonym susiedam. Fota: «Naša Niva»
Padtrymać siamju možna pa spasyłcy.
Čytajcie taksama:
«Kali trapiŭ na Akreścina ŭ 2022 hodzie, padumaŭ: blin, jak ža dobra było ŭ 2020!»
Pamior mastak i muzykant Vasil Pačycki
Pamior zasłužany ŭrač Anatol Maŭryčaŭ. Bolš za 20 hadoŭ jon byŭ namieśnikam dyrektara RNPC ankałohii
