Раніцай 8 мая на ўчастку пагранзаставы ў Белавежы некалькі мігрантаў з беларускага боку паспрабавалі знішчыць Польскі памежны знак. Спачатку яго спрабавалі пашкодзіць палкамі, але калі гэта не ўдалося, падпалілі.
У відэа польскай памежнай службы не зафіксаваны момант, у якім загараецца верхняя частка слупа. Верагодна, ролік абрэзаны.
Таксама мігранты кідаліся камянямі і галлём у памежнікаў, якія тушылі знак.
Памежная служба звяртае ўвагу на тое, на памежным знаку размешчаныя польскія нацыянальныя сімвалы, а іх знішчэнне або пашкоджанне караецца штрафам, абмежаваннем або пазбаўленнем волі.
Чытайце таксама:
На беларуска-польскай мяжы затрымалі расійскага дэзерціра. Імаверна, ён ішоў проста з фронту
Арганізатары нелегальнай міграцыі з Беларусі ў ЕС перавялі $30 мільёнаў на падтрымку тэрарыстаў
У Еўрасаюзе выявілі буйную сетку нелегальнай перапраўкі мігрантаў з Беларусі і Расіі
