На адным з беларускіх аўкцыёнаў выявіўся цікавы лот. Гэта наручны гадзіннік «Luch» з выявай Белага дома і прысвячэннем Білу Клінтану, звярнула ўвагу Blizko.by.
На чорным цыферблаце адлюстраваны Белы дом у ЗША, стаіць подпіс The White House. Washington.
Крыху ніжэй — Luch. Quartz. Made in Belarus.
На вечку можна прачытаць і прысвячэнне: Bill Clinton. USA-Belarus 1994 Мінск
Гадзіннік ацэнены ў 388 рублёў (121 даляр).
Відавочна, гадзіннік прысвечаны візіту Біла Клінтана ў Мінск. Ён прыляцеў 15 студзеня 1994 года і правёў тут усяго шэсць гадзін.
З анлайн-каталогаў вядома, што таксама «Luch» выпусціў аналагічны гадзіннік, прымеркаваны да візіту Клінтана, толькі на цыферблаце намаляваныя дзяржаўныя сцягі ЗША і Беларусі.
Чытайце таксама:
На AliExpress прадаюць вельмі дзіўны чырвона-зялёны плашч са сцяга ФОТАФАКТ
У Баранавічах на аўкцыёне прадаюць аўтограф нібыта Юрыя Гагарына. Цана немаленькая
