Без мікрахвалёўкі або планшэта — што падарылі дэлегатам УНС гэтым разам
Але з брэндаваным партфелем.
24.04.2024 / 12:55
Фота: Мінск-навіны
Кожны са 1162 дэлегатаў Усебеларускага народнага сходу па традыцыі атрымаў спецыяльны падарункавы набор. «Мінск-Навіны» распавялі, што ўваходзіць у камплект гэтым разам.
Дэлегатам падарылі брэндаваныя партфелі з цісненнем «Усебеларускі народны сход». У партфелі паклалі асадку і нататнік, тэкст закона аб УНС, праекты Ваеннай дактрыны і канцэпцыі нацбяспекі.
Гэтым разам, як і ў 2021-м, абышлося без дарагіх сувеніраў. У 2001 годзе дэлегатам дарылі кухонны камбайн, у 2010-м — мікрахвалёўку і гадзіннікі, а ў 2016-м — планшэты.