Bieły miadźviedź u «ledzianym łožku» — pieramožca ŭ FOTA dzikaj pryrody 2023 hoda
U Łondanie pakazali piać najlepšych fatahrafij dzikaj pryrody, jakija pa vynikach hałasavańnia hledačoŭ adabrali arhanizatary adnaho z samych starych i prestyžnych u śviecie konkursaŭ pryrody Wildlife Photographer of the Year («Fatohraf hoda dzikaj pryrody»).
09.02.2024 / 16:40
Sioleta sercy hledačoŭ skaryŭ bieły miadźviedź padčas snu, jaki trapiŭ u abjektyŭ kamiery brytanskaha fatohrafa Nimy Sarychani kala narviežskaha archipiełaha Špicbierhien.
Zdymak, jaki atrymaŭ nazvu «Ledziany łožak», arhanizatary konkursu z Łondanskaha Muzieja naturalnaj historyi adabrali z 49 957 rabot z 95 krain śvietu.
Pa słovach samoha aŭtara, zdymak nahladna pakazvaje ludziam, jak chutka rastajuć ledniki z-za hłabalnaha pavyšeńnia tempieratury.
Arhanizatary konkursu prademanstravali i inšyja zdymki, jakija trapili ŭ top-5 «najlepšych fatahrafij dzikaj pryrody» 2023 hoda, pa viersii hledačoŭ.
«Žele Aŭrory», Aŭdun Rykardsen (Narviehija)
«Murmuracyja špakoŭ», Daniel Denčesku (Hiermanija / Rumynija)
«Ščaślivaja čarapacha», Cachi Finkielštejn (Izrail)
«Sumiesnaje vychavańnie», Mark Bojd (Kienija)
Čytajcie taksama:
Arły, pieŭni i žuraŭli. Jakija ptuški jość na hierbach biełaruskich haradoŭ?
U Kitai vialikija pandy pierastali ličycca vidam, jaki vymiraje
Dva hady tamu ŭ Biełarusi vyratavali miedźviedziania, što zastałosia biez mamy. Što ź im ciapier?